News ismael ledesma Biographie ismael ledesma Discopgraphie ismael ledesma Concerts ismael ledesma Presse, articles, interviews ismael ledesma Photos ismael ledesma Vidéos ismael ledesma Contact ismael ledesma  


Biographie Ismael Ledesma (Guarani)


Arpa mbopuha Paraguáigua. Hekove heñói va’ekue Lambarépe 1962-pe. Itúa, Raimundo Ledesma, (arpa mbopuha) ha isy, Luisa Isabel Lucena, (mbaraka mbopuha ha puraheihára), omba’apo va’ekue hikuái músika ñembopúpe amo 1960 rupi peve.

Michïmi guive, 5 ary oguerekóvo, itúa ombo’e ñepurü ichupe arpa ñembopu . Ombotývo 10 ary ombo’e ichupe  mbo’ehára arpa mbopuha Víctor Noguera, upéi 11ary guive, oñemoï oñemoarandu ha’eñóntema, oñeha’ä oho Nicolasito Caballero, Enrique Samaniego, Luís Bordón, Lorenzo Leguizamón ha ambue ha’ekuéraichagua arpa mbopuha guasu rapykuéri. Voi eteréi ohóma ombopu mitärusu apyte rupi, Paraguaýpe, umi Festival-ha rupi ; isy omoirü ichupe mbarakápe. 12 ary oguerekóramo, Chile Róga Paraguáipe ohepyme’ë tenonde ichupe hembiapo, arpa mbopuháramo.

Itio, Kike Lucena ogueraha chupe upéi Europa-pe ; oiko París-pe ha upépe oñepyrü oñembo’euka Universidad Sorbona-pe Francia ñe’ë ha hekopykuaápe.

París-pe oike hapicha músiko kuéra apytépe, folklóre mbopuha ndive : Los Diablos del Paraguay, Los Guajakíes, América Latina con Alegría y Fuego, Perú andino, Latino Show ha umícha.

Oho ombopu Líbano, Israel Jordania, Egipto-pe hapicha kuéra apytépe 1985 peve. Upéi oñepyrüma ombopu ha’eño ha upéichama  osë omba’apo heta tetä rupi Europa, Medio Oriente, América latina, Estados Unidos ha Japón rupi.

1991-pe ohupyty  tepyme’ë tenonde “Certamen Festival Rochas del Arpa”-pe, Paraguaýpe.

Ismael Ledesma ombopu heta henda rupi ha ko’á rupi raëvete: Cité de la Musique (Paris); L’Olimpia (Paris); Teatro de Berlín (Alemania); Sala Okapi (Bélgica); Hollywell Room (Oxford- Inglaterra); Opera del Cairo (Egipto); Festival Mundial del Arpa (Praga- República Checa); Festival de arpa de Edimburgo (Escocia- Reino Unido); Banco Interamericano de Desarrollo (Estados Unidos); Auditórium de Roma (Italia); Casa América (España); Palacio de los Espejos (Lisboa-Portugal); Teatro de Toyohashi (Tokio-Japón). Ismael ograváma 11 disko atä’i: Paisaje Tropical, Paraguay en solo de Arpa, En vivo y en directo, Music Araund the World, el Vagabundo, Intimidad.

Oñehenói chupe ombopu haguä Jhonny Clegg, Hubert Félix Thiefaine, Paul Personne ha ambue ndive.

Dískope ombopu Trevidy, Martine Caplane, Flor del Fango (Mano Negra ymave), Perú Andino, Los Chaskis, Los Carios ha ambue ndive.

Ismael músikape oñembohéra ñe’ëpoty pu. Ha’e oguenuhë ko musikapu Paraguái ñe’äkuágui, ha ombojajáipa ijarpapu rorýpe.

Delicia VILLAGRA



Biographie disponible en Anglais , Espagnol et Guarani

 

Liens | Crédits | Espace Presse | www.ismaelledesma.com © 2006